وأكيد عرفتوا قيمة التمريض بعد أزمة كورونا واللي بعدها حيزيد الطلب على التمريض أكثر و أكثر 

من ناحية العمل 
في تنوع بمجالات شغله بحيث إنك بتقدر تشتغل بـ

المستشفيات بكل الأقسام (طوارئ، باطنية وجراحة،العناية المركزة، نسائية وتوليد، أطفال، الأقسام النفسية، مستشفى الحسين للسرطان)
المراكز الصحية والنفسية
ممرض بالمدارس
العيادات الخاصة
التمريض المنزلي 
نقابة التمريض (شغل إداري مش تمريضي)
تكمل دراسات عليا وتدرّس بالجامعات 
وطبعًا مجال الهجرة لدول برا مفتوح كونه التخصص مطلوب في كل أنحاء العالم 

نيجي للمواد 
.تخصصنا عبارة عن 136 ساعة متنوعة ما بين مواد تخصص ومواد طب ومواد من الجامعة 

 بنبلش لابات من سنة أولى فصل ثاني وبنتعلم فيها كيف نعطي إبر ونغير عالجروح ونركب أنبوب للمعدة وأشياء كثير_ 
وبنبدأ دوام بالمستشفى سنة ثانية فصل ثاني وبستمر لباقي السنوات بنزور خلالهم كل أقسام المستشفى والمراكز الصحية_

مواد التخصص بتنقسم لجزئين غالبًا جزء نظري وجزء عملي بالتزامن (يعني بناخذهم مع بعض) 
:مثلاً
أساسيات مهنة التمريض |عملي
أساسيات مهنة التمريض |نظري

:بالنسبة لدوام التمريض، اللي المعظم بخافوا منه وبسألوا عنه 
التمريض وشغلك كـ ممرض بيتطلب منك تكون جنب المريض ٢٤ ساعة ٧ أيام بالأسبوع لحد ما يطلع من المستشفى، لهيك في أكثر من ممرض بيتناوب على نفس المريض و بطبيعة الحال بنداوم شفت ليلي، مش كل الشهر طبعاً ولكن بكون في حد أدنى مثلا أسبوع من الشهر بتداوم شفت :C أو كل كم شفت بتاخذ شفت C بالإضافة إلى إنه  
المستشفى بكون فاضي وشبه مغلق
في حراسة للمستشفى 
بشهادة كل الممرضين شفت ال C أسهل شفت وما فيه حركة بس بتتطمن على مريضك
غالبا المواصلات مؤمنة

 :وكممرض طموح وحابب تتوسع بتخصصك بكون عن طريق 
دورات
دبلوم عالي 
دراسات عليا
-أو ببساطة عن طريق خبرتك بالقسم اللي إنت فيه وشغلك مع عدد كبير من المرضى ( سنوات الخبرة ) 

:مجالات الماجستير  

 الرعاية الحثيثة ، الرعاية التلطيفية ، الصحة النفسية

 إدارة الخدمات التمريضية ، تمريض صحة الأم وحديثي الولادة ، تمريض صحة المجتمع، تمريض الحالات الحالك للبالغين 

 تمريض السرطان ، تمريض الصحة النفسية والعقلية  

صعوبة التمريض غير متوقفة أبدًا على المواد  ولا على المهارة - مع أهميتهم الفائقة - إلا إنه الشخص بقدر يكتسبهم أثناء الدراسة والعمل 

لكن صعوبة التمريض في مفاتيح شخصية الإنسان