شغلتنا "تقليدياً" عبارة عن سحب دم ومن ثم تحليل مكوناته عن طريق الأجهزة، بنتعامل مع الأجهزة والتكنولوجيا 
70% من قرارات الطبيب بتعتمد على النتائج المخبرية فلا تستهينوا بحالكم أبدا ً انتو الأساس  

التخصص مكس بين الكيمياء والبيو (والأغلب بيو)
إلي بحب هاي المواد يتوكل ع اللّه ويفوت بقلب قوي لأنه رح يبدع بإذن اللّه بالتخصص 
من الأشياء الجميلة بالتخصص أنه من بعد السنة الثانية كل مادة إلها لاب عملي يعني رح تشوف كلشي بعينك  وأول سنة بس رح توخذوا لاب بيو ولاب كيمياء والثنين سهلين 

وكمان لو تحكي لأي حدا عن الأشياء الي بنشوفها تحت المجهر رح يتمنى يكون معنا  لأنه كلها أشياء بتثير الفضول وبتخليك تحب العلم وتشعر بعظمة ربنا في الخلق 

 بشكل عام مواد الفصل الأول سهلة، بس انتبه! افهم البيو مشان ما تتغلب لقدام 

 التخصص دراسته متعبة لكن شغله أريح، راتب الموظف ببدأ من ٢٢٠ تقريبًا ، لهيك بننصح الطلاب الطموحين في التخصص يكملوا دراسات عليا وفي مجالات واسعة جداً.

:تقسيم الساعات
87 ساعة اجباري تخصص (12 منهم تدريب) 
5 ساعات اختياري تخصص  
21 ساعة اجباري كلية 
9 ساعات اختياري جامعة 
18 ساعة اجباري جامعة

طيب وين مجالات الشغل؟
مختبرات المستشفيات
المختبرات الخاصة  
الشركات الطبية والمنظمات الصحية 
البحث الجنائي (للناس اللي بتحب هيك قصص) 
وإذا بتكملوا ماستر ودكتوراه ممكن تخصصوا بمجال معين علم الدم، مناعة، غدد صم