بدنا نحكيلكم شو رح تدرسوا خلال هاي ال 6 سنوات وكيف رح تتوزع ال 256 ساعة عليهم

:الطب ينقسم عنا لمرحلتين

:المرحلة الأساسية والمرحلة السريرية-

المرحلة الأساسية هي عبارة عن أول ٣ سنوات، رح تكون كلها عبارة عن مواد نظرية بدون أي تطبيق عملي، يمكن تلبس لابكوت عشان اللاب بس ما في سماعة ومريض

 سنة أولى مكونة من ٣ فصول، الفصل الأول رح يكون معكم مواد عامة ومشتركة مع تخصصات ثانية مثل بيو ١٠١ وفيزياء ١٠٥ وكيمياء ١٠١ و إحصاء و مهارت حاسوبية للكليات الطبية
مواد الفصل هاد كلها من خارج كلية الطب، وهو سهل فاستغلوه من البداية وجيبوا علامات عالية

الفصل الثاني رح تبلشوا بمواد الطب
رح يكون معكم مواد عامة وعبارة عن مقدمة للطب مثل الأناتومي والفسيولوجي والهستولوجي وال (مولوكيولار & سايتولوجي)، والأورغانيك" هاي المادة من كلية العلوم"

"بهاد الفصل رح تشوفوا جثة وتشوفوا العضلات والأعصاب وهاي الأشياء عليها

الصيفي رح يكون خفيف لطيف فيه بس بيوكيم والباقي متطلبات

 سنة ثانية فصل أول رح يكون معنا برضو مواد عامة ومقدمات وهي الباثو والفارما والمايكروأميون والميتابولزم

:بعد هاد الفصل رح تشوفوا ع الواقع البيت الشعري الي يحكي 
ضاقت فلما استحكمت حلقاتها" 
"فرجت وكنت أظنها لا تفرج 

الفرج هو نظام السيستمات، طبعًا ما في اشي سهل بالطب
ولكن النظام أنظم وأرتب وأريح بكثير من السنة ونص الي قبل

تبلشوا بالسيستمات من فصل ثاني سنة ثانية لحد ما تخلصوا ثالثة "يتخللهم صيفي سنة ثانية ما في ولا مادة تخصص كله متطلبات"، توخذوا فيهم سيستم كامل وبعدين تنتقلوا للي بعده وهكذا لحد ما تخلصوا الجسم كامل إن شاء الله

 وهيك رسميًا صرتوا نص دكتور 

فما بالكم لما توصلوها صحيح 

سنة رابعة وخامسة وسادسة تبلشوا الآن كل الي درستوه بالبيسك تسقطوه على الواقع، وتتعلموا كيف تستخدموا وتسترجعوا المعلومات الي جمعتوها من دراسة البيسك بتشخيص المريض وكتابة الهستوري وغيرها.

احزروا وين وصلنا؟؟
صح، تخرجنااا
وأخذنا شهادة طبيب عام MD

:ووصلنا مرحلة
فلـنقـم كـلـنا لـلـدَّواء والـقلم
كلنا عطف على من يصارع السَّقم
ولنواصل المسير نحو غاية أهم
ونكون حقًا خير أمة بين الأمم 

مفكرين إذا تخرجنا خلص وقفنا دراسة؟
لااا محصلش والله

بس نتخرج ننتقل لمرحلة الامتياز وهي عبارة عن سنة يداوم فيها الطبيب بأي مستشفى بده إياه وبس يخلصها يوخذ مزاولة مهنة ويصير طبيب رسميًا 

بعد سنة الأمتياز يكون أمامك أكثر من طريق، إما الطريق الأكاديمي "تصير دكتور جامعي" أو السريري عن طريق إنك تتعين بالمستشفيات وتتدرب وتقدم امتحانات عشان تصير أخصائي، هاد بعد ما تقدم امتحان عشان تنقبل ببرنامج الإقامة بالتخصص الي بدك إياه 

وطبعا حياة طالب الطب كلها امتحانات عشان ما تستغرب

بالنهاية بنحكيلكم نصيحتنا الكم ادرسوا منيح لتوصلوا لغايتكم وتحملوا لقب دكتور وتصيروا اشطر دكاترة بالمستقبل بدها اصرار منك وقوة وعزيمة لتوصلوا لهاد الشي
 

والله يوفقكم يا رب

​